睇完返黎, 我覺得唔以情色片角度黎睇, 哩套片不算太差.
內容結構尚算OK, 但好多位都好有問號. 感情寫得唔夠細緻, 好難說服 葉山豪 同 藍燕 感情咁深刻.
至於入去極樂地而食所謂的石灰散(忘了正名), 咩食完有疑真疑假有幻覺, 實在成套片都呼應唔番哩個位.. (究竟我係應該inception
咁要疑幻疑真, 定係成個timeline 都真實?)
老夫雷凱欣, 如果唔係真係以為佢係"女角", 其實個角色唔算太突兀, 但又係好多O野無交代, 怎麼採陰補陽, 又點解女兒身... 隻字不題.
我接受到佢係男角, 但好多O野組織不上.. 若然正正經經搵個男角拍, 可能無咁"搞笑". 雷凱欣 都好努力演好哩個"男角",
尤其佢面部表情都好似參考過TVB O的古裝劇咁, 加埋個配音, 真係好似睇 TVB 古裝劇咁. 佢應該參考佐唔少電視劇的老夫角色,
來演哩套片中的角色.
兩位日本外援就其實無乜發揮機會, 原紗央莉 都有少少solo 位 (last 對 方丈), 而 周防雪子 應該係寧王最愛的女人
(佢話要加強功力, 又要傳宗接代, 阿老夫話兩樣不可共存), 但又真係估估O下, 無乜著墨, 而且周防的角色出黎都係sex only.
睇到尾, 我發現哩套係愛情片黎... 男女主角last 首尾呼應果段, 想帶一個message 出黎並想觀眾帶哩個point返屋企.. 但個劇本對愛情著墨比較弱, 好難令你讚同到到哩個結尾. 若以純粹情色來說, 一定唔算夠喉, 但佢就比較想做多O的, 但想做多O的之餘, 個劇本又未算好有功力...
